Motorferdsel i utmark

Motorferdsellova regulerer motorferdselen i utmark og vassdrag med sikte på å verne om naturmiljøet og fremme trivselen.

Motorferdsel som ikkje er tillate direkte i motorferdsellova, i den nasjonale forskrifta om bruk av motorkøyretøy eller etter lokal forskrift, krev at du søkjer dispensasjon/løyve frå kommunen. Dette gjeld for køyring på snødekt mark, køyring på barmark, og bruk av motorfartøy (motorbåt, helikopter osv).
Dagens dato + 14 dagar er tidlegaste dato du kan søkje løyve for.

Søknadsskjema for løyve til motorferdsel i utmark

Papirbasert søknadsskjema for løyve til motorferdsel i utmark (PDF, 211 kB)
(må skrivast ut, utfyllast og sendast Servicekontoret, Tonningsgata 4, 6783 Stryn),

Leigekøyring

Stryn kommune har etablert leigekøyringsordning (ervervsløyve) med snøscooter på vinterføre i seks område.

Ved å benytte leigekøyring treng du ikkje dispensasjon for følgande køyreoppdrag:

• Transport mellom bilveg og hytte
• Tilsyn med privat hytte etter eigaren sitt oppdrag
• Transport for massemedia på reportasjeoppdrag
• Transport av funksjonshemma
• Transport av ved

Særskilte reglar for verneområde

I verneområde gjeld verneforskriftene sine eventuelle forbodsreglar for motorferdsel. Kontakt statsforvaltaren eller verneområdestyret v/forvaltar for nærare opplysningar. Hugs at du uansett må søkje kommunen om løyve.
 

Lenkjer

• Rettleiar – Motorferdsel i utmark: Slik er reglene (Miljødirektoratet)
• Lov om motorferdsel i utmark og vassdrag (motorferdselloven)
• Forskrift for bruk av motorkjøretøyer i utmark og på islagte vassdrag
• Lov om forvaltning av naturens mangfold (naturmangfoldloven)
• Forskrift om Jostedalsbreen nasjonalpark