Formannskapet sitt vedtak:
1. Forslag til forskrift om gebyr for dekning av utgifter i samband med behandling av søknader om løyve til handel med fyrverkeri klasse II, III og IV og gjennomføring av tilsyn i Stryn kommune, vert sendt ut på høyring.
2. Endeleg forslag til forskrift vert lagt fram for formannskapet etter høyringsfrist. Deretter vert forskrifta lagt fram for kommunestyret til endeleg behandling.
Kommunen si oppfølging av denne oppgåva omfattar mellom anna :
•Informasjon om søknadsfrist gjennom relevante informasjonskanalar
•Handsaming av innkomne søknadar, samt eventuelt tilsyn med utsalsstaden før løyve kan gjevast
•Kontroll av alle utsalsstadane i perioden 27-til 31. desember
•Rapportering til Direktoratet for Samfunnstryggleik og beredskap ( DSB )
DSB har gjeve kommunane heimel til å innføre gebyr for handsaming av søknadar om sal av fyrverkeri og for gjennomføring av tilsyn. I forskrift om handtering av eksplosjonsfarleg stoff § 9-2 heiter det :« Løyve til handel med pyroteknisk vare vert gjeve av kommunen der verksemda vert driven. Kommunestyret kan sjølv fastsetje lokal forskrift om gebyr til dekning av faktisk utgifter knytt til handsaming av søknadar om løyve til handel med fyrverkeri klasse II, III og IV og gjennomføring av tilsyn»
Gebyr som skal dekkje dei faktiske kostnadane ved dette arbeidet, vert fastsett av kommunestyret gjennom gebyrregulativet for Stryn kommune. Gebyret skal dekkje kommunen sine utgifter knytta til informasjon, søknadshandsaming, tilsyn og rapportering i samband med sal av fyrverkeri.
Vurdering:
I forskrift om handtering av eksplosjonsfarleg stoff av 26. juni 2002 med endringar, har DSB gitt kommunane heimel til å innføre gebyr for behandling av søknadar om handel med fyrverkeri og for gjennomføring av tilsyn.
Høyringsinnspel til forskrifta
Frist for innspel til til forskrifta er 3.desember 2026.
Send innspel til postmottak@stryn.kommune.no
Forskrift om gebyr for behandling av søknader om løyve til handel og oppvevaring av fyrverkeri samt gjennomføring av tilsyn.pdf (PDF, 124 kB)